 |
| شعار الكلية الحربية |
هذه القصيدة من الشاعر عبدالرحيم آل حثله البهيشي مهداه الى قبائل بللحمر بصفة عامة والى طلبة كلية الملك عبدالعزيز الحربية في حفل تخرجهم الذي اقيم في العاصمة الرياض ليلة الجمعة الموافق 16 شعبان 1438.
القصيدة
هاجسي طابت لحونه وموّاله
ما انثنى عزمه ولا بيّح سدوده
عملته من حازها تصلح احواله
من رصيدي والذهب عند نمروده
والقصايد بالنواميس مختاله
الهمم عليا والافعال مشهوده
نحمد الله دام للخيل خياله
محزم يزهاه صِفره وباروده
قيفنا مامون ماقلّوا ابطاله
عدّنا راهي ولاينقطع جوده
ويتفاخر بين الاشهاد باجياله
كل جيل ورث عزه من اجدوده
طبعنا ماندخل الصف لإكماله
لين نرفع بيرقه فوق ونقوده
والرتب
عليا والابطال وصّاله
كل واحد في مقامه ومجهوده
باسمهم واسمي وكلن على حاله
واسم بللحمر ذرى الضيف وسعوده
مرحبا ياكوكب الطيب وهلاله
مرحبا ياجمع الاجواد وفروده
مرحبا ياصفوة الجيل واشباله
الوفا فيكم والاهداف منشوده
والبقا للدين والمجد لرجاله
دام رايتنا على النصر معْقوده
العدو مايجهل الجيش وافعاله
لين بات المعتدي يلطم خدوده
دون غايتنا للارواح بذّاله
في وطنّا والطوابير محْشوده
خصمنا نلقاه ونحطم آماله
والوطن نحمي مرافيه وحدوده
وان زهم سلمان جينا وحنّى له
كلبونا درع سلمان وجنوده
فيصلي معرّب جده وخاله
تنحي الهامات لا شمّر عضوده
ضربة من كف يمناه قتّالة
وان بغيت الخير يمناه ممدوده
عادته كلن يجازيه باعماله
قوته من صدق الايمان مسنوده
قلتها والشعر تعبير ورساله
والولا ميثاق ماننقض عهوده
احمريّ وين ماحطّت رحاله
في مواقف لابته يقدح زنوده
من رجال الحجر لاكبرت القاله
من غزاهم بالشبا ليّنوا عوده
ياصلاة الله على محمد وآله
النبي الي سجاياه محموده
قصيدة الشاعر عبدالرحيم آل حثلة في خريجي الكلية الحربية من بللحمر
![قصيدة الشاعر عبدالرحيم آل حثلة في خريجي الكلية الحربية من بللحمر]()
تمت مراجعته من قبل خالد الأحمري
في
8:15 م
تقييم:
عز يامال العز
ردحذفمن غير معروف
حذفحححيي
ردحذف