شيلة بللحمر هل المجد جيل بعد جيل - كلمات سعيد آل السريحة - اداء علي الواهبي

شيلة ايه بللحمر هل المجد جيل بعد جيل ⭐️⚡️⚡️
 في حفل تخرج ضباط قبائل بللحمر ..💥
 كلمات : سعيد محمد آل السريحة
 أداء ؛  المنشد علي الواهبي

 ابيات القصيدة؛

 لا إله الا الله الواحد الحي الجليل
 آعبده جل جلاله واحمده واشكره
 من دوافع تجربة عقد فالوزن الثقيل
 شاعر ماخلد اسمه مماته يستره
 وشاعر ماهو لربعه كما السيف الصقيل
 آشهد آن شعره خساره ولا فيه آثمره
 بسم بللحمر ذرا العز حامين الدخيل
 آسمهم واسمي يزيد المحافل جمهره
 مرحبا اعداد مالاح برق في مخيل
 ومرحبا اعداد ماهل وبله ومطره
 في رحاب الطيب والجود في الحفل المهيل
 مرحبا والعود يزهاك نفحة عنبره
 تقلط ضيوف القبيله علئ بن وحيل
 الجمال مبركه والدلال مبهره
 سلم ربعي تكرم الضيف لاشح البخيل
 الكرم منـا وفيـنا وحنـا مصـدره
 من يريد يضاهي الجدي ويضاهي سهيل
 ماعليـنـا من كيـانه وسيـفه بـنـحره
 حن هل الوقفات والعز والمجد الاصيل
 الخوي يفرح بنا والمعادي ندحره
 مدحنا ماهوب يحتاج للراوي دليل
 انشد التاريخ عنا وتنبيك اسيره
 ايه بللحمر هل المجد جيل بعد جيل
 ايه بللحمر مرام القصيد ومنبره
 ايه نفخر ونتسابق علئ درب الجميل
 لين صرنا فالجزيره رموز المفخره
 واسمنا ضلع يذري وله ظل ظليل
 كل ملهوف تذرئ بحيده وشجره
 وصفنا فالحرب يفرق خليل من خليل
 يوم صلفات الليالي عبوس وغبره
 آنتقدم للصعيبات لاهاب الذليل
 ومن نوا يجهل علينا لعنا كوثره
 ودون حد المملكه كلنا جيش مهيل
 والولا يكبر ويزداد مانقص آشعره
 سيدي سلمان واصهل بطاريه صهيل
 الشعوب آتبجله والملوك آتقدره
 مكنه ربي من اعداه فاليوم الفضيل
 وايده ربي ودله وعانه وآنصره
 كملت عشرين بيت من الوزن الثقيل
 صغتها من طيب راس وحميه ونعره